Ekki af hverju heldur fyrir hvern var þetta gert?

Eftir að gæsahúðin, hrollurinn og velgjan  gengu yfir hjá mér eftir að lesa þessa frétt þá vöknuðu upp spurningar hjá mér:

Hvað fengu lögreglumennirnir út úr þessu?

Var þetta gert bæði föngum og lögreglumönnum til skemmtunar?

Það segir í fréttinni "Hefur þeim lögreglumönnum, sem lokuðu stúlkuna inni, verið vikið frá störfum meðan rannsókn fer fram." En hvað með verðina og annað starfsfólk í fangelsinu? Það þarf enginn að segja mér að það hafi ekki allir vitað af þessum viðbjóði sem var þarna í gangi.

Svo er þetta ekki einu sinni einsdæmi þarna í Brasilíu, ef að það hafa komið upp tvö tilfelli sem vitað er um á stuttum tíma hvað ætli þetta hafi þá gerst oft?

Aumingja stúlkurnar

15 ára stúlka sett í fangaklefa með 20 mönnum

Athugasemdir

[Villi Asgeirsson, 23.11.2007 kl. 20:11]

Þetta er sennilega auðveld leið til að koma í veg fyrir fangauppreisnir. Nema verðirnir hafi tekið þátt. Löggan í álfunni er ekki sú heiðarlegsta sem fyrirfinnst.

[Sporðdrekinn, 24.11.2007 kl. 04:04]

Verðirnir tóku þátt með því að gera ekkert í málinu, málið er bara hversu mikinn þátt tóku þeir og hversu mikið var þetta fyrir þá gert.