Menn og konur á öllum aldri..

.. setjist nú niður og slakið á. 

Svona horn er án efa stórsniðugt fyrir eldra fólk sem hefur ekki orku eða getu til að þramma lengi í einu á hörðum gólfum stórmarkaðanna.

Stundum þarf ég að skoða/versla eitthvað sem að er ekki fyrir manninn minn og þá nenni ég nú eiginlega ekki að hafa hann hangandi yfir mér, því ef að hann hefur ekki áhuga á hlutunum þá finnst/sést það langar leiðir.

Stundum þarf maðurinn minn að versla hluti þar sem að minni visku er ofaukið og þá vill hann án efa vera laus við mitt innlegg

"Þetta er of dýrt"

"Við eigum svona bara minna"

"Og hvenær heldur þú að þú notir þetta svo"

Ég er t.d. hinn mesti aurapúki og þarf að ath verðin á öllu áður en að ég ákveð hvað skal keypt, maðurinn minn bara kaupir það sem að hann langar í, hann er meistara kokkur og verslar eftir því. Þannig að þegar að hann kemur með mér að versla þá eyðum við alltaf miklu meira, ég hef bara ekki efni á að taka hann með mér að versla lengur . 

 En ef svo vildi til að maðurinn og ég færum samann að versla í búð þar sem að svona horn væri þá vildi ég nú frekar að maðurinn sæti þar og slakaði á en gengi um með mér og léti sér leiðast á meðan að ég skoða og leita eftir besta verði, stundum er nefnilega lægsta verðið ekki alltaf besta verðið fer eftir innihaldi, gæðum og svona . Ekki það að honum finnist fótbolti skemmtilegur, hann getur þá bara dregið ýsur  í staðinn.

Ég myndi sjálfsagt ekki finna mig í svona horni ef að ég færi að versla með manninum mínum, hann gæti keypt eitthvað sem að við  þyrftum ekki  svo finnst mér voða gaman að bara fá að finna fyrir honum  og horfa á hann , hann vinnur nefnilega alltof mikið og ég er æst í að nýta allan þann tíma með manninum sem að ég get.

 

Pabbar í pössun í Hagkaupum