Skafið af bílunum!!!

Frábært hjá lögreglunni! 

Ef að það er eitthvað í umferðinni sem að getur gert mig brjálaða þá eru það þessir ökumenn sem rýna út um lítið gat á framrúðunni. Gatið er stundum svo lítið að maður sér nefið á manneskjunni límt við rúðuna á meðan að hún er að reyna að sjá hvað er að gerast fyrir utan bílinn hjá henni.

Heldur þetta fólk í alvörunni að það sé ábyrgur ökumaður á meðan að þau sitja inni í bíl sem er þakinn snjó, já ok allt nema þessi litli blettur á framrúðunni. Þetta fólk er að gefa skít í líf okkar hinna, með þessu háttarlagi eru þau að segja að þeim sé bara nokkuð sama hvort að þau sjái börnin okkar eða okkur.

Ef að við þyrftum ekki að sjá út þegar að við erum að keyra þá væru bílarnir ekki með rúður, þetta er svo einfalt.

SKAFIÐ af rúðunum!

Það er skömm af því að það skuli þurfa að taka upp sektarkerfi til að fá fólk til að skafa af rúðunum. Eruð þið (þeir sem ekki nenna að skafa) einhver smábörn sem þarf að hóta eða múta til að gera það sem rétt? 

Keyrir þú um göturnar með snjó yfir öllum rúðum og barnið þitt í bílnum? Ertu þá að með öryggi barnsins þíns að leiðarljósi?

Skafið af rúðunum og reyndar bílnum öllum, því að þegar að snjór losnar af einum bíl og þeysist svo yfir á framrúðuna á bílnum fyrir aftan þá er kominn enn ein uppskriftin af slysi.

 

Sekt fyrir hélaðar rúður

Athugasemdir

[www.zordis.com, 29.1.2008 kl. 20:13]

Það er aldrei snjór hjá mér svo ég er seif með mitt!  Það er agalegt þegar fólk útbýr ekki ökutækin sín til að ferðast í öllum veðrum, að skafa af þaki, rúðum og vera vel dekkjuð.  Við erum alla daga með lífið í lúkunum svo það er víst betra að fara að öllu með gát!

[Sporðdrekinn, 29.1.2008 kl. 20:27]

Nákvæmlega zordis, nákvæmlega.