Ég pissaði næstum því á mig

Við áttum yndislegan kött þegar að ég var stelpa, hann var ekkert fyrir að láta halda á sér, en honum fannst mikið gott þegar að maður kom og kúrðist í honum. Hann var í raun meira ljón en köttur, hann horfði á mann með svo mikilli ró og öryggi.

Þegar að þessa elska var svo til nýkomin til okkar, pínulítill kettlingur þá klifraði hann upp í tré. Veinið í honum barst inn um gluggann og við fórum að ath með krílið. Þarna var hann með hægri loppurnar á einni grein og þær vinstri á annarri grein. Svo horfði hann á okkur á milli greinana og vældi, ju hvað hann skalf skinnið litla.

Hann var svo yndislegur þarna uppi í tré, pínu lítill kafloðin hvítur og svartur mjálmandi, vælandi hnoðri. Ég missti mig algerlega. Ég fór að skelli hlæja, fyrstu viðbrögð mín eftir fyrstu hláturgusuna voru "Hvar er myndavélin?". Jú, jú auðvitað hjálpuðum við honum niður, en ekki fyrr en að ég hafði tekið mynd. Ég ætlaði aldrei að finna myndavélina, ég sá nefnilega ekkert fyrir hláturtárum.

Þegar að krílið var svo komið í fangið á mömmu skreið hann beint í hálsakotið á henni, þar róaðist hann niður. Ég hinsvegar hljóp á klósettið.

Ég á þessa mynd enn og hjartað mitt fyllist af hlýju þegar að ég skoða hana. Við vorum nefnilega vinir, kötturinn og ég

Sprændi á bjargvættinn

Athugasemdir

[www.zordis.com, 16.3.2008 kl. 22:12]

Ég á margar góðar kisuminningar! 

Við áttum lítinn árásarkött er hagaði sér eins og hundur ... já minningarnar eru yndi!

[Dísa Dóra, 16.3.2008 kl. 22:54]

Ég átti eitt sinn frábæran kött sem meðal annars stundaði það að nota þófana á sér sem snuð   Frekar findið að sjá stóran högna koma inn af dömuveiðum og leggjast þá í hálsakot mitt og totta þófann á sér á fullu eins og ungabarn með snuð

[bjarni (IP-tala skráð) 17.3.2008 kl. 00:28]

Þú verður eiginlega að deila myndinni með lesendum þínum:D

[Sporðdrekinn, 17.3.2008 kl. 02:19]

hahaha árásarköttur og þófa tottari, kisur eru æði!

Já Bjarni ég ætti að gera það, nú er bara hvort að Sporðdrekinn sé með myndina hér, í síðustu flutningum urðu nokkrir kassar eftir í geymslu heima. Ég verð að fara í gegnum kistuna mína á morgun og ath hvort að myndin sé þar. Ég vona það, mig langar til að sjá hana með augunum en ekki bara hjartanu, þótt að hún sé reyndar mun betur geymd þar en nokkur staðar annar staðar

[Evil monkey, 17.3.2008 kl. 09:01]

Jiiisús minn hvað þetta er krúttleg saga!!

[Huld S. Ringsted, 17.3.2008 kl. 17:06]

Krúttleg saga, fáum við ekki að sjá myndina??

[Sporðdrekinn, 17.3.2008 kl. 19:02]

Finnbogi ég kom við á síðunni þinni og kvittaði fyrir þar. Mér þykir svalt hvað þú gengur langt til að láta fólk vita og biðjast afsökunar.

[Sporðdrekinn, 17.3.2008 kl. 19:07]

Myndina er ég ekki búin að finna, ef að ykkur finnst sagan krúttaraleg þá mindi myndin alveg bræða ykkur

[bjarni (IP-tala skráð) 18.3.2008 kl. 01:02]

væri gaman að sjá myndinni bregða fyrir