Talandi um fordóma!

Ég hélt að þetta væri grínfrétt en svo er víst ekki.

Fordómar koma í öllum stærðum og gerðum en "Halló". Það er alveg óhætt að segja í þessu tilfelli að sá sem lendir í eineltinu hafi ekki gert neitt af sér annað en líta öðruvísi út. Hann heitir það sama, bragðast eins en samt fékk hann stimpil á sig "ekki nægilega góður".

Er þetta ekki það sama með fólkið? Það eru ekki allir eins í útliti, hæð, breidd, lit, áferð. Það tala ekki allir sama tungumálið eða trúa á sama Guð og sumir trúa ekki á neinn Guð. Það búa ekki allir í sama landi, við sömu aðstæður.

Svo hvað þýðir það? Erum við ekki öll mannfólk?

Jú við erum öll mannfólk! Við höfum öll okkar tilfinningar, við elskum, syrgjum, þráum, gleðjumst, við finnum til sársauka. Við erum öll mannleg!

Sum okkar eru ekki góðar manneskjur og við vildum helst vilja losna við svoleiðis. En það hefur ekkert með hæð, breidd, lit, áferð, tungumál eða trúa að gera. Það er alltaf rotið epli innan um þau fersku og við verðum bara að takast á við það.

Svo að ég fagna þessari ákvörðun Evrópusambandsins, nú er pínulítið minna um fordóma í heiminum.

Ég verð að lýsa "gleði" minni yfir því að svona mikilvæg mál séu tekin fyrir hjá Evrópusambandinu. Það styrkir bara skoðun mína á því að við ættum að drífa okkur í þetta samband svo að við getum orðið eins og allir hinir ávextirnir. Já eða ekki....

Aflétta banni við bognum gúrkum

Athugasemdir

[Ómar Ingi, 15.11.2008 kl. 08:42]

HAHAHAHAHAHA

[www.zordis.com, 15.11.2008 kl. 11:18]

Bognar gúrkur eru örugglega gómsaetar í beygjunum ... Alltaf zarf ad vera flokkun á öllu.

Ég hélt ad faerslan fjalladi um allt annad en graenmeti, hahhahahha ... Knús og yndi í daginn zinn!

[Skattborgari, 15.11.2008 kl. 14:21]

Þetta er fáanlegt. Það sem er helsta vandamál ESB er að margir sem eru í stjórnkerfinu vilja leysa allt með reglugerðum en gera sér ekki grein fyrir því að þær valda kostnaði og vandræðum fyrir mörg fyrirtæki og einstaklinga.

Kveðja Skattborgari.

[Haraldur Davíðsson, 15.11.2008 kl. 20:37]

hehehe....skoðaðu mister cook making babies, á youtube.....hann mismunar grænmeti eftir útliti......hilarious.

[Agnes Ólöf Thorarensen, 16.11.2008 kl. 18:09]

Mér finnst þetta bara skemmtilegt...hehehe..........Hafðu það gott vinan og takk fyrir öll kvittin..

[Sporðdrekinn, 17.11.2008 kl. 03:07]

Takk fyrir innlitin gullin mín!

Ég fann þetta ekki Halli.