Ranglæti

Ég skil vel að breska þjóðin sé á móti því að bera kostnaðinn af öryggisgæslu fyrir Bilawal Bhutto Zardari, hans fólk á auðvitað að borga brúsann.

Öryggisgæsla hert í Oxford

Hver á sökina?

Ég veit að ekki er hægt að kenna foreldrum um allt sem að börnin gera rangt en er ekki hægt að koma í veg fyrir flest svona slys með kennslu og athygli?

Það verða slys vegna fikts á flugeldum á hverju ári, af hverju er það?

Erum við virkilega ekki búin að læra af reynslunni og miðla henni áfram til barnanna okkar?

Það eru til fullt af sögum og myndum af illa brenndum börnum sem fengu sár sín vegna fikts við flugelda, hvernig væri að fara með þetta í alla skóla vera með áróður gegn fikti með flugelda. Eldur og púður eru ekki leikfang þetta eiga allir að vita og þeir sem ekki vita það nú þegar ættu að vera búnir að læra það fyrir næstu áramót.

Annað, fullorðið fólk á að vera til fyrirmyndar svo notið hlífðargleraugu og gætið fyllstu varúðar þegar að þið eruð að sýna börnunum ykkar hvernig á að skjóta upp flugeldum.

Ég vona að pilturinn í Hafnarfyrði nái sér sem fyrst.

Brenndist í andliti eftir að hafa kveikt í púðri

Þið verðið að afsaka..

en ég er ekki alveg að gleypa þessa sögu.

Ég hefði haldið að sonur Osoma bin Latens hélti tryggð við föður sinn og það sem að hann trúir á. Ég veit ósköp vel að ekki eru öll börn morðingja morðingjar en þetta snýst ekki bara um að myrða heldur á hvað trúað er. Ég vona að ég hafi rangt fyrir mér og að Omar bin Laten og hans frú séu ekki með neitt óhreint í pokahorninu.

Sonur bin Ladens vill dvalarleyfi á Englandi

Hálf tannlaus

Ég er lítið hrifinn af hálf tannlausum munnum, en ég er mikið hrifin af fallega tenntum munnum, hvort sem að þar eru einungis gamlar tennur eða gamlar og nýjar sem líta út eins og þær gömlu.

Reynum nú að halda í söguna okkar með hjálp húsanna.

Að draga tönn úr fallegu brosi

Góð hugmynd..

hjá honum Pétri Ármannssyni.

Við verðum að passa upp á sögu okkar og húsin hafa fullt að segja.

Ég fer alltaf með erlenda gesti í Árbæjarsafnið og hefur enginn kvartað hingað til heldur finnst öllum gaman að sjá hvernig "við" bjuggum. Afi minn sem að ég hitti aldrei átti heima í einu af þessum húsum og það gefur mér alltaf góða tilfinningu í hjartað þegar að ég fer inn í það hús. Já, já ég veit að ansi margir hafa farið þar um síðan að hann flutti þaðan, en mér finnst ég einhvern vegin vera nær honum.

Sagan okkar sem Íslendingar liggur í byggingum, ljóðum, bókum, hlutum og myndum, pössum upp á þetta fyrir afkomendur okkar.

Vill nota ágóða af sölu uppgerðra húsa til viðhalds öðrum

Óvissan oft meira spennandi

Persónulega finnst mér oftast meira varið í það þegar að gefið er í skin að hitt og þetta gæti gerst  eða sé að gerast, það er bara gaman að þurfa að nota smá ímyndunarafl  Það er ekki nauðsynlegt að hafa bera kroppa alstaðar til að gera mynd sexí eða spennandi.

Mér finnst orðið allt of mikið af nekt út um allt, það er ekki hægt að auglýsa neitt orðið án þess að hafa eitthvað kynferðislegt í auglýsingunni. Nei, ég er enginn uppþornuð piparjóna á níræðis aldri en ég er hinsvegar búin að fá upp í kok af því hvernig kynlífi er potað inn í allt.

Ég er sem sagt að lýsa yfir stuðningi mínum við ákvörðun Rachel Bilson

Nektin ónauðsynleg

Ég spáði oft í þetta þegar að ég var laus og liðug..

nú er ég bara liðug  

Afi minn var svo fjandi vondur út í pabba sinn að hann talaði aldrei um fjölskylduna sína og ég vissi ekkert hvort að næsti myndarlegi maður væri óþægilega mikið skyldur mér .

Ég brá því á það ráð að giftast útlending

 

En greyið fólkið, sársaukinn sem að þau hljóta að hafa gengið í gegnum

Aðskilin tvíburasystkini giftust hvort öðru

Smá snáka saga hérna handa ykkur

Það gerðist í Virginia í bandaríkjunum að maður fann snák í garðinum hjá sér (snákar eru als ekkert óalgengir í VA), manninum fann þetta alveg frábært. Maðurinn handsamaði þennan snák sem að hann var alveg viss um að væri "garðsnákur" (ég held að ég sé að fara með rétt nafn á snáknum) og því ekki eitraður. Maðurinn setti snákinn í búr og gaf syni sínum sem að fór svo samdægurs með snákinn á hafnarbolta æfingu.

Auðvitað urðu allir strákarnir í liðinu forvitnir og vildu fá að skoða snákinn, þjálfarinn fékk litla athygli og fór því að athuga hvað gengi á. Þegar að þjálfarinn kom á staðin voru strákarnir búnir að opna búrið og voru að fara að gera sig líklega til að taka snákinn úr búrinu, bíddu hvað eruð þið með þarna segir þjálfarinn og stoppar þar með drenginn frá því að fara með höndina ofan í búrið. Það var eins gott að þjálfarinn kom á staðinn þegar að hann gerði, því að í búrinu var enginn "garðsnákur" heldur var þetta ein af fáum snáka tegundum í VA sem er eitruð

Ég er hrædd um að pabbanum hafi ekki liðið allt of vel þegar að hann frétti þetta

Eitraðir snákar leita inn í borgir vegna þurrka

Þetta ætti að gleðja hann tengdapabba

Hann hefur lengi langað að fara á suðurpólinn en langt ferðalag og tengdamamma  hafa stoppað hann hingað til.

Farþegaflug til suðurpólsins

Fools 4 Love

Mig langar svooo mikið til að sjá þetta leikrit, allir sem að ég þekki og hafa séð leikritið segja að það sé frábært og ekki eru gagnrýnin af verri endanum, sjá Fréttablaðið og RUV/Víðsjá, einnig voru gagnrýni í Morgunblaðinu en ég bara man ekki hvar , (ég set það hér inn þegar að ég finn það)

KK er í algeru uppáhaldi hjá mér, ég hef sungið (ég kalla það söng þegar að enginn heyrir til mín  ) við lögin hans út um allt Ísland, í nokkrum fylkjum í Bandaríkjunum og í Karabíska hafinu. KK er vel liðin af öllum fjölskyldumeðlimum og taka hinir meðlimirnir einnig undir þegar að tónlystin hans hljómar. Það var reyndar maðurinn minn sem að kom mér upp á bragðið/hljóðið þegar að hann keypti fyrsta geisladiskinn með KK.

Magnús Guðmundsson er sá eini af leikurum verksins sem að ég hef séð á sviði, hvort sem að Magnús hefur verið í alvarlegu eða grín hlutverki þá hefur mér alltaf fundist hann skila sínu vel. hehehe  reyndar finnst mér hann alveg frábær þegar að hann er í grín hlutverkum, sérstaklega þar sem að hann er hálf aumingjalegur, þá hann fær mig til að hlæja endalaust .

Ég vona að þetta verk verði í sýningu í langan, langan tíma, mig langar nefnilega svooooo til að sjá það og heyra!

Til hamingju aðstandendur Silfurtunglsins!!!